كل سنه وانتم طيبين عام هجري جديد

كل سنه وانتم طيبين
عام هجري جديد جميل أهله الله علينا وكمان النهارضه الدنيا مطرت
الزرع اتروي وشرب من خير الهجرة
والحمام طار ودمع وكل حمامه قالت ياريت كنت انا الي علي الغار
والعنكبوت متشرف من يومها

بجد كلنا فرحانين ومبسوطين بالعام الهجري الجديد
بس نفسي بجد السنه الجايه يبقي القدس رجعلنا والمسلمين في كل حته كويسين والظلم والقتل الي واقع عليهم يكون زال وربنا زاح عن اخوانا في كل حته الغمة
ونبقي اسياد العالم بجد العام الهجري الجاي وترجع لينا وللاسلام العزة والكرامة

العام ده استوقفني بجد؟؟
عمرك فكرت تبقي واحد من الصحابه ؟؟
بصراحه انا فكرت كتير قوي وكل مرة ااقول هو لو انا من صحابه النبي صلي الله عليه وسلم كنت هعمل ايه وهتصرف ازاي ؟؟
كنت هبقي عصبي كده
كنت هبص للبنات ف يالشارع
كنت هنم وهغتاب الناس
كنت هشرب سجاير
كنت هتفرج علي مواقع اباحيه وصور وكليبات ماجنه
طب كنت هسمع اغاني
مش ممكن لو كنت صحابيا كنت اعمل كده
مش ممكن طبعا
طب لو فرضت ان النبي هيزورني بكره
يانهار ابيض طب هعمل ايه
هو انا هحب ان النبي يزورني ولا مش هحب
طبعا هحب قوي طب هحب ازاي وانا بعمل كده
لسه مش هتلبسي الحجاب
لا ياجماعه انا مبوعظش حد انا بقلكم بس الي دار في خلدي والي فكرت فيه في بدايه العام الهجري ....

صحابه النبي صلي الله عليه وسلم هاجروا من مكه للمدينه وتركو وراهم الاهل والاولاد والوطن والزرع والتجارة عشان النبي صلي الله عليه وسلم أمرهم بكده تنفيذ لامر الله
ووقفو علي مشارف المدينه وهللو وكبرو لما شافو النبي قادم
بطلع البدر علينا
وبلقد نجا لقد نجا لقد نجا
لقد استجاب ربنا الي الدعاء والي الرجا
لقد نجا لقد نجا لقد نجا
بشري لكل مؤمن ان النبي قد نجي
لقد نجا لقد نجا لقد نجا

انا عايز اهاجر انت ايه رأيك ؟؟
هو صعب علينا اننا نهاجر
متخافش ....مش هقولك سيب موبايلك وكليتك ووطنك واهلك وشغلك ولا هنطلع سفاري عشان نهاجر
انا ههاجر وعايز الكل يهاجر معايا من الذنوب
عايزين العام الهجري ده بجد يكون عام هجري تماما
يبقي اول اعوامنا الهجريه فعلا لاننا هنهجر فيه المعاصي والذنوب
فكر وفكري زي ما انا فكرت هتلاقو اننا بجد لازم نعمل كده

لو عينك دمعت وانت بتسمع الاغنيه دي يبقي يابختك
اكيد النبي هيحبك
اسألكم الدعاء

جميل اوى يا عماد يا موتعب كل سنه وانتا طيب والامه الاسلاميه بخير وسعاده اللهم امين وان شاء الله عام هجرى سعيد علينا ومفيش زنوب ولا معاصى ان شاء الله ونصلى بقا على النبى عليه افضل الصلاة والسلام (اللهم صلى على محمد وعلى أللى محمد اللهم صلى على أبراهيم وعلى ألى ابراهيم اللهم بارك على محمد وعلى ألى محمد وبارك على أبراهيم وعلى ألى أبرهيم انك حميد مجيد )صلا الله عليه وسلم

heart medhat33