ايه ده ما هو ده العادى ؟؟؟؟؟؟

السلام عليكم

صباح الجمال والجوده يارجاله شوف معايا كده العادى بتاعنا

-----------
تيجى لسه طالع من بيتك فى الصبحية وبتقول يافتاح يا عليم يارزاق يا كريم

تضرب عينيك يمين كده تبص تلاقى طابور العيش مش طابور ده طوابير

والناس بتتخانق ووصلوا للضرب كمان

تضرب كف على كف وتقول سبحان الله ايه اللى بيحصل فى البلد ده

وبعد كده تفتكر وتقول

أه صحيح ماهو ده العادى

هوب تركب المواصلات من هنا وتقفل باب العربية من هنا يقولك ماتحسب ياريس براحة على الباب

تقول لمؤاخدة ياسطى معلش لسه نايم

يقولك ماشى يابا صباح الورد وتقولوا صباح الفل وتديلى الأجرة يقولك ايه يابا أنت اول مرة تركب معانا دى الأجرة بقت بجنيه

تقول سبحان الله أنا لسه راكب امبارح من هنا يقولك البنزين غلى يابيه

تقول صحيح هيه جات عليك ياسطى

وتفتكر وتقول أه صحيح ماهو ده العادى

تيجى نازل ولسه داخل على الشغل

ويشوفك المدير هوب أنت كل يوم متأخر 5 دقايق أنت امتى تظبط مواعيدك

معلش يافندم أنت عارف المواصلات

يقولك على مكتبك يافندى

وهو تلاقيه كل يوم جاى بعديها بساعة الا ربع الا يوم ضربت معاه وجاه بدرى شويه

وأنت رايح على مكانك وتقول

أه صحيح ماهو ده العادى

تيجى مروح وراكب المواصلات وتلاقى الطريق واقف أصلى المحافظ بيصلح الطريق

وتلاقى السواق بيسب ويلعن وتقوله مش كده ياسطى

يقولك اسطى ميين أنتوا خلتوها خل

وتقل صحيح أنا مالى أنا

ماهو ده العادى

تيجى داخل البيت تلاقى الجيران ماسكين فى بعضيها وهوب حدفوا بعض بالجرادل والمكانس

وشتيمة وقلة أدب

وتقول مش كده يا جدعان

ولا حياة لمن تنادى

وتقول أه صحيح ماهو ده العادى

تيجى خارج بالليل وتقول أقعد مع صحابى شويه ونطلع ع البحر كده بنتمشى

تلاقى البت قاعده مع الواد والبت ترقع ضحكة

هيهأ بس بصوت مجلجل كده

تقول انا لله وانا اليه راجعون

وتفتكر وتقول أه صحيح ماهو ده العادى

امتى بقى نعمل ثورة لانقلاب العادى ده عشان ميبقاش عادى

عايزين نفوق عايزين نصحى

عايزين صرخة

عايزين نعمل تعديل للمفاهيم ديه

ونقول لا مش عادى لا مش عادى لا مش عادى

وصحيح ايه اللى أنا بكتبه ده

معلش يا جماعة ماهو ده العادى

منقوول

وهنعمل ثوره ليه ماهو دا العادي بتاعنا شعبنا بيقبل الذل ان كان فيه 50 نفسهم يعملو ثوره علشان نغير المفاهيم دي فــفي مليون خايفين يعملو كدا وبعدين دا بيحصلنا كلنا بس في حل واحد علشان نغير المفاهيم دي كلها

الحل هوا ......
اننا نقعد في البيت علشان ولا ننزل نشوف الخنقات علي العيش ولا نركب موصلات ونتبهدل ولا حد يقولك انت جاي متأخر ليه ولا حتي تشوف الجيران وهيا بتتخانق هتقولو سلبي ماهو دا العادي بتاعنا شعب سلبي مش عاوز يعمل اي حاجه خايف يتحرك خايف يتقدم وياخد خطوه صح في حياته ...
نفسي يبقي شعبانا شعب ايجابي كلنا ادينا في ادين بعض ضد الظلم ونغير المفاهيم دي

وان جينا نقول للناس اعملو مظاهره الناس تقولك واحنا مالنا ماهو الي ماشي عليا ماشي علي الكل دا الشعب بتاعنا شعب مصري شعب بيتاخد خيره وهوا عارف ومش قادر يفتح بوئه

ثانكس يا ريم علي الموضوع الجامد دا تسلم اديكي

ميرسى يا تيمو على مرورك وردك اللى نورنى

هههههههههههههه عاتى عاتى ياريم
شكرا على موضوعك دى بقت حياتنا العادية وخدى باالك من كلمة عادى بردو هههههههه

صدقينى فعلا هوا ده قى العادى
ان الله لايغير ما بقوما حتى يغيرو ما بانفسهم
صدق الله العظيم

شكررررررررا ريم للموضوع

تسلم اديكى يا ريم بجد توبيك هايل

مشكوووووووووووووووووووورة يا ريم

ههههههههههههههههه
عارفة اية العادى بجد
العادى ياريمانا ان موضيع العادى بتعها انها بتكون جامدة مووووووووووووت
ويارب الناس تتغير

موضوعك اكتر من رائع يا ريم بس مشلاقى كلام ارد بية بجد من كتر ما احنا اتخنقنا