السلام عليكم ورحمة الله وبركاته
انا انهارده هكتب اخر مواضيعى لانى خلاص تعبت من المشاكل الى حصلت بسببى وانا مش بحب حد يكون زعلان من حد بسببى ولا احب حد يكون زعلان منى انا شخصيا فا ده الوقت المناسب علشان انسحب باحترامى ومن غير ما حد يزعل منى وبجد انا سعيد جداااااااااااا انى اتعرفت على كل الى فى المنتدى وبشكر عماد على انه كان سبب معرفتى بيكم وبجد انتم شباب وبنات محترمين وربنا يوفئكم
ثانيا ::: موضوعى انهارده على نجم مصر والنادى الاهلى محمد ابو تريكه بجد الى عمله بعد احرازه الهدف فى ماتش السودان حرك مشاعر كل مواطن عربى بيهتم بقضيه الشعب الفلسطينى وانا من هنا بشكر نجمنا المحبوب ابو تريكه ويارب يكون اهتمامنا اكبر من التعاطف وبجد الى عمله الرئيس محمد حسنى مبارك بانه فتح رفح للفلسطينيين بجد حاجه تفرح وحاجه كل مصرى يفتخر بيها لان مصر من اكبر الدول العربيه ولازم يكون ده دورنا ولازم نكون احنا الى نتصدى لاى عدوان على المنطقه العربيه وده طبعا لازم يكون العرب كلهم متحدون علشان نقدر نقف ضد اى عدوان غاشم على اى دوله عربيه وامام اى حد حتى لو كانت امريكه نفسها لاننا مش اقل منهم ولا هما احسن مننا فى حاجه ولازم نقف مع فلسطين ومع العراق ولبنان انا عارف ان فى ناس هتقولى يعنى لو قالولك سافر وحارب هتسافر ولا انت بتتكلم كلام شعارات وخلاص لا بجد والله انا لو اتعرض عليا انى اروح فلسطين او العراق او اى مكان من الدول العربيه المحتله والله لهسافر كفايه انك هتكون بتدافع عن دينك ولو مت هتكون شهيد فى سبيل الله وهتكون ميت وانت بتدافع عن دينك وشوف لما تبعث على ما مت عليه شوف بقى انت هتكون منزلتك ايه عند ربك ويارب يارب ترجع الاقصى للمسلمين دى يا جماعه اولى القبلتين وثالث الحرمين يارب رجع الاقصى للمسلمين حره بعيده عن اى عدوان
وشكرا للفتره الى قضيتها معاكم ويارب تطورو المنتدى ويكون من احسن المنتديات
اخوكم
مادى
الأربعاء 6 فبراير - 23:53:48
