توب العفاف

توب العفاف
الانوثه مش مــجرد....... حبة أحمـر عـ الشفايف
الانوثه مش في انك....... تهوسي عقل اللي شايف

الانوثة نعمه غالــيه..... ربنا اللي اداها لــــــيكي
و بايديكي تحفظيها..... أو تضيع من بين ايديكي
كل شئ في الدنيا لــما....... بيــــــداروه بيزيد جمال
و العفاف للبنت يغلب....... أي شــــــــكل و أي مال
هو أحسن من عيونــهم...... تاخدي نظرة الاحترام
ولا تاخدي سهم جارح...... اسمـــه نظرات الحرام؟
الزهور بتكون جمـــــــــيله..... طول ما لسّه الشوك حاميها
بس لو يوم شوكها سابــــها..... ألــــــــــــف ايـــد تتمد ليها
هو أحسن ترضي ربك... ولا ترضي الناس بحالها
هو ايـــــــه للبنت يشفع.... شكلها ولا عـــــملها؟؟؟
دا الجمال في الجسم زايل .............انت شفتيه دام لمين
و الجمال في الروح بيفضل ..........مهما بتعدي السنين

سيرة البنت العفــــــــيفه..... هى أحــــــسن شئ يدوم
حبرها مكتوب بدينـــــها...... مش بمكيــــاج أو هدوم

انسي مكياجك وسيبي........ نور إلهك يملى وشك
بدلّي مرايتك بقــــلبك........ مستـحيل قلبك يغشك

انت أجمل ألف مـــــــره
لو جمالك جوة قلـــــــبك
مش مهم الخلق ترضــى
المهم هترضي ربــــــــك
هوايه في الكون دا يغلب
لو اله الكون دا حبك؟؟؟

منقوووووووووول

الموضوع اجمل من جميل
بجد ياخالد الموضوع جميل جد ويارب نقضر نعمل كده

nana كتب:: الموضوع اجمل من جميل
بجد ياخالد الموضوع جميل جد ويارب نقضر نعمل كده

يارب

والله بجد بجد تسلم ايدك يا خالد

عندك حق والله

مع كامل احتراكي لبنات المنتدي __ زي اخواتي __

بس والله والله الشباب ما حد خلاهم كدا غير البنات الي

انت بتتكلم عنهم بجد

الشاب من دول بقي كل همه يكلم بنت لون عنيها مش عارف ايه

بتعمل روجاجو لونو ايه

بتعمل اي لاينر وايشادو

انا عارف ايه الحاجات دي

لا ولا الشعر لازم تكون شعرها طويل

ولازم تكون مزه جامده من زوات الباديهات والجينز ابو صابون _ المحزق _

لاواخذه في الالفاظ

بس الحال بقي مهبب

وربنا يستر علينا

وعجبي !!!!!!!!!!!!!!

الله ياااااخالد بجد موضوووووووووووعك جميل جدا جدا جدا Wink

وكلامو كلو صح بس كل الاجواء الى حوالينا الى بتخلينا نعمل كدة
يعنى مامشيت فى وسط اصحابى لابسة لبس عادى ومش حاطة ميك اب او على الاقل مظبطة وشى
وهما لابسين ومشايكين وزى القمر والى مش حلوة بتخلى نفسها حلوة وانا امشى فى وسطيهم كدة
من انى الحمدلله لبسى محترم بس دلوقتى البس المحترم بقة ازاى بقة ملفت بردو
بجد الموضوع بقة موضوع مجتمع بى حالو مش واحدة او اتنين
وانا بجد من الناس الى نفسى اتغير واغير طريقة لبسى وكدة بس الظروف مش مسعدانى
بجد الموضوع مش سهل زى ما انتو فاكرين بجد صعب جدا
وربنا يهدينا يارب ويثبتنا على كدة ومانكنش اكتر من كدة
سورى لو طولت عليكو بس الموضوع جامد جدا وعاوز نقااااااش كتير شكرا ليك يا خالد

و الله موضوع جميل اوووووى

بس احنا نعمل اية قلى

قلى نعمل اية

بجد موضوع جميل اوووووى

تسلم الايادى

الـــــــــوزيـــــــــــر (الــــــــويـــــــــزووو)

مشكور اخويا خالد موضوع مميز