الاخوان المسلمون بين الحقيقة والخيال

جماعة الاخوان المسلمين
من اكتر الجماعات المنظمة فى البلدوليها قاعده جماهيريه كبيره جدا
يتعملها حساب اكتر من اي حزب معارض فى البلد بينادوا باقامة الدولة الاسلاميه فى مصر
كل المبادئ والشعارات اللى بينادوا بيها شكلها كويس مضمونها كويس بيجزب ناس كتير
بيقولوا انهم ضد العنف وضد استخدام القوة وقالوا قبل كده انهم مش بيطمعوا فى الحكم
وبعدين دخلوا السياسه.
تفتكروا انهم فعلا بالصورة الواضحة عنهم دي؟
تفتكروا ان كل هدفهم هو الدين بس زي ما بيقولو؟
وهو فعلا ينفع ادخال الدين فى السياسة بكل ما فيها من حيل وخداع؟
ولو فرضنا انهم وصلو للحكم تفتكروا انهم هيطبقوا الدين صح فعلا؟
وانهم هيغيروا الواقع اللى احنا مضيقين منه ده؟
ولا هيكونوا زي حماس فى غزه سابوا اسرائيل وقعدوا يقتلوا فى بعض؟
ياريت اعرف رايكم

متشكر جدا يا جماعه على مروركم الكريم ده
وبالنسبه للاجوبه يا شيفو انت عارف رايي كويس فى الاخوان
وان انامقتنع بان كل اللى بيعملوه ده لاسباب تانيه خالص غير الدين
وغير مصلحة البلد والامه الاسلاميه
وبالنسبة لسؤالك احب اقولك ان الاخوان مبيستعجلوش حاجه وانهم
مشيين بخطى سابته داغير انهم بيستفيدوا من الاضطهاد اللى الحكومه عملاه معاهم ده لانه عامل جذب كبير لتاييد الناس ليهم لانهم بي بيبانو فى النهايه على انهم الناس الضعيفه اللى الطاغيه الظالم بيحاربهم علشان بيقولوا لا اله الا الله وبيدعوا للدين
وبالنسبه لوصولهم للحكم مفتكرش انه هييجي عن طريق ثورة او انقلاب
لكن ممكن لكن زي ما قلت العمليه ممكن تاخد منهم وقت