بحلم .. و كان جوايا حلم
يروح و يجي بداله حلم
تدور ايام ..
و تدور ليالي ..
و يرجع يعود جوايا تاني
بحلم .. و تعرف بحلم بايه !
بحلم بعش حمام صغير
فوق على الغصون ساكن مزهر
و العش جواه عشرين حمامه
تصحى في رضا..
وتنام دفيانه
اه صحيح.. مزنوقين بين الحيطان
لكن قلوبهم تســــاع بلاد
و بحلم بحض مليان حنان
احس فيه بشوية امان
و لما انام في عيونه ليله
ما عاد حد يشغلي بال
يمسح بكفه دموع حزينه
في قلبي عاشت مستنياه
بحلم .. و كان جوايا حلم
يروح و يجي بداله حلم
تدور ايام ..
و تدور ليالي ..
و يرجع يعود جوايا تاني
يمكن في يوم يكون لي حي
و يمكن يضيع بين الليالي
لكن خياله هيفضل في بالي
مستني يوم يرجع لي تاني