ليه الدنيا كده ؟
اللى يحب فيها يسرح و اللى يكره فيها يجرح
لما بنسرق محدش يحاكمنا و لما بنضحك الناس بتعاتبنا
طب ليه الدنيا كده ؟
لما نفرح يزعلونا و لما بنكدب يصدقونا
لما نجرى عشان نكسب يسبقونا و لما نقف نستنى يضربونا
حد يقولى الدنيا كده ليه ؟
الناس فيها بتشكى لحبايبها و عمرها ما شكت لقرايبها
بيتغير فيها الصاحب لعدو و القريب لبعيد و المسافر لمهاجر
ليه الدنيا كده ؟
تسافر من بلدك و لا حد يهمك ترجع لبلدك و لا قلب يلمك
طب ليه الدنيا كده ؟
دايما قاسية و عمرها ما كانت ناسية
لما ترحلها تسيبك و لما تنساها تجيلك
ليه الدنيا كده ؟
اللى الدنيا تفرحه يشكرها و اللى تزعله يشتمها
الناس بقت تجرح و لا تسامح و بقت تخون و لا تصون
وبقت تنهب و لا تتعب
حد يقولى ليه الدنيا كده غريبة ؟
الأحد 25 نوفمبر - 0:44:50
