ازاى تعلق اى بنت

ازاي تعلق اي بنت
أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق
طلع
رخصه.....مطلعتش....اضرب رخصه
ثانيا : البنت بتحب الولد الغنى
اسرق .... انهب ..... اعمل اى حاجه عشان يبقى عندك فلوس
فلوس
كتير... كتير اوى اوى اوى كمان
مره ..
مش
ضرورى حلال يستحب انها
تكون كمان حرام
عشان تحس ان انت كريم عبد العزيز فى حرميه كي جى2 ولو
ما عندكش فلوس .......وفاشل
ارسم عليها انك غنى
اشتغلها.. هو انت يعنى لاقى شغل يا فاشل اشتغلها
واعملها شغلانتك.
ثالثا : البنت بتحب الولد الى ماتفهموش
خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولاتفهمش حاجه
خالص
رابعا :البنت بتحب الولد الكداب
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.
خامسا :البنت بتحب الولد الحبوب المحبوب
استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم.

سابعا :البنت بتحب الولد الى يفهمهاانها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكالها.
ثامنا : البنت تموت فى الولد الى شكله معتوه
البس لبس غبى ....لازم تسقط البنطلون
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون
طول شعرك ونزله على عنيك ولوشعرك اكرت طوله برضه واحلق خط بعرض 3سم فى نص راسك بالطول
لو عمر دياب مره حلق حواجبه اوع تتردد اديها حواجب قرعه
علطول.

تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده
والفيديو
كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها.
عمرك سمعت عن بنت حبت واحد
بيحبها
لاء
طيب خد النصيحه دى.. اهم نصيحه وسر نجاح اى علاقه باى
بنت
البنت ماتحبش اى واحد يحبها.. وتحب اى واحد تكون هى
ولا
على
باله ..طنشها واركنها ولا تحسسها انها بنى ادمه
واهم حاجه الكلام
الى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار
ولا اى شحاته
((نوع كده وخليك واد كووووووول))
النتيـــــــــــجــة
هتعلق نص بنات الدنيا والنص التانى هيعلقو واحد تانى قرا
نفس الموضوع ولو
أنت و هو اتفقتو سوا ممكن تبقو تبادلو مع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان الدنيا
يابنى دول خلاص ندهتهم النداهه كلهم طربشات ومعظمهم مضحوك عليه
وعايش فى وهم معيشاه فيه بنت

ملحوظة هامة جدا:
أنا كاتب الموضوع ده من باب النكتة لا أكثر
علشان كدة مش عايز أي بنت تزعل مني

عاشرا : البنت تحب الولد الى بيحب غيرها.
عمرك سمعت عن بنت حبت واحد
بيحبها
لاء الكلام ده مش صحيح خالص ياشيفو البنت بتحب الى يحبها اكيد يعنى بس لو لقت الى بيحبها اصلا لنى تلت تربع الصبيان بيعملو الى انت كتبو

ملحوظة هامة جدا:
أنا كاتب الموضوع ده من باب النكتة لا أكثر
علشان كدة مش عايز أي بنت تزعل مني

البنات مش هتزعل خالص مالص البنات مستنياك بى المسدسات والطوب واى حااجه تضرب بيها Very Happy

:pirat:

ليه كده يا شيفو بس على العموم انا انضميت لكلام مريم ومنتظراك على باب المنتدى اوعى تتاخر علشان ناس كتير مستنياك

ههههههههههه
عاشرا : البنت تحب الولد الى بيحب غيرها.
عمرك سمعت عن بنت حبت واحد
بيحبها
لاء الكلام ده مش صحيح خالص ياشيفو البنت بتحب الى يحبها اكيد يعنى بس لو لقت الى بيحبها اصلا لنى تلت تربع الصبيان بيعملو الى انت كتبو
هو دة كل الى لفت نظرك يا مريم دة الموضوع كلو تحفة
مين يا شيفو الى فهمك الحاجات دى على البنات لا يا بابا كل الحاجات دى غلط مش صح
اكيد انت عرفت بنات وعارف كدة كويس الى انت قولتو كلو دة صح بس على الصبيان مش البنات
الى ماتعبرهوش يجرى وراك والى تعبرو يفتكر نفسو حاجة

هههههههههههه ايه يا بنانيت ده انا بقيت مطلوب حيا او ميتا ولا ايه
واضح انى بقيت عدو البنت رقم واحد ف المنتدي
وانى هطلب حق اللجوء السياسي لاي قسم مافيهوش بنات

وبعين كلكوا يا عساسيل ما علقتوش الا على عاشرا
رغم ان عاشرا دي بالذات اكتر واحدة عليها اجماع
ما سمعتوش هشام وهو بيقول "سيبها تحبك يا قلبي.. جبها يا قلبي تسيبك"
وبعدين يا مريم انتى عارفة انى بتكلم عن تجرية Laughing

لالالا البنات مش كد ياشيفو بس : لو انت بتقوله من باب الهزار خلاص مافيش مشكله
I love you

تعالى ياعم شيفو شوف موضوع مفيش ولد بيعرف يعلق بنت فى قسم البنات وتعرف ليه الصبيان مش بيعرفو يعلقو اساسا Evil or Very Mad

انا معاك يا شيفو متخفش وراك رجالة هههههههههههههه بس فى وفية يا شيفو فى بنات كدة فعلا وفى بنات غير كدة خالص موضوعك جميل جدا واى حد يكلمك فى المنتدى متخفش منة وراك رجالة flower

عماد متعب مشرف الرومانسية

والله يابنى انت مية مية
بصراحة البنت بتحب الحاجة اللى فى ايد غيرها وهى تحبك لما تكون تحب غيرها وعجبى هههههههههههه
وتسلم يا مان

star_boy
اشمعانا هنا ميه ميه وعجبك اوىى الكلام انماموضوع البنات مكنش عجبك لزم الولد يكون
منحاز للرجاله Very Happy

صبيان اخر زمن bounce

ههههههههههههه لما نشوف موضوعك ده كمان يا حاجة مريم
وبعدين عيب اللى انتى بتقوليه ده ممكن يتقهم غلط Razz

الصراحة يا سوسو انا اول مرة كتبت الموضوع ده كان هزار
بس بعد كده حسيت انه فيه حاجات كتير صح
وبيني وبينك البنات فعلا لما بيتدلعوا بيسوقوا فيها قوى قوى affraid

وربنا يخليك لينا يارب يا كابتن متعب طمنت قلبي بجد
انا كده اكتب واتكلم وانا قلبي مطمن ان فيه رجالة من بعدي هيكملوا المسيرة بعد ما المتوحشين دول ما يغتلوني كما هو متوقع طبعا .. انا بهزر طبعا هما مش متوحشين ولا حاجة بس ممكن نقول سفاحين هههههههههههههه

وطبعا يا star_boy انت كده شجعتنى اكتر واكتر انى اعمل انكلاب على راي الحاجة ام فوزي
ونشكل تشكيل عصابي بعد ما بقينا 3 ونعلن رضانا الكامل عن اى حاجة البنوتات عايزينها .. مش خوف ولا حاجة بس لاجبن سيد الاخلاق والواحد عارف برضه الجري نص الجدعنة وساعة الجد هلاقي نفسي لوحدي afro

هتردكم من المنتدىىىىىىىىىىىى كلكم وهشردكم ههههههههههه
وابقو خلى ينفعكم شيفو ده هنغتالو قريبا Wink

لا تتراجعوا يا رجال Evil or Very Mad

فلن اتزحزح عن موقفى Twisted Evil

ولن اهادن

ولن اتراجع Mad

وكل شئ يهون في سبيل ال.... ال.....
هى كانت بتقول ايه scratch

هتطردنا م المنتدي affraid

يللا يا عم انت وهو على راي علاء ولي الدين cyclops

لف وارجع تانى

فى اية هى الثورة قامت ولا ايو حد يقالوى
موضوعك جميل بس مفيش بنت بتحب الولد الىيعرف غيرها

ايه ده انا مشفتش الموضوع ده من زمان ازاى يا نهرك ياشيفو
انت على فكره فاهم البنات وحش اوى اوى اوى اوى اوى اوى
وبعدين انت دلوقتى مهتدد بلختيل ماشى هههههههههههههه

ايون يا منوون الثورة قامت

ولابد من التضحية بكل عزيز وحسين ورأفت كمان

وعلى فكرة بقى يا منووون انتى على نياتك قوى

فيه بنات ما بتبصش غير للواد اللى مقضيها ومظبط Wink

ومنوراني يا هدير

وعلى فكرة مش ممكن اكون فاهم البنات وحش

عشان لا انا ولا غيري ممكن يقول انه فاهمهم اصلا Laughing

ايه ده يا واد يا شيفو
داعلى كده الشياطين الانجليز يكلوا كويس مع البنات
هيبقوا شياطين وفوق كده باردين يعني المطلوب بالظبط
بس انت تفتكر انهم هيقدروا على البنات ولافى احتمال للفشل

ههههههههههههههههه

منورني ومنور المنتدي كله يا سيخ Very Happy

بس بيتهيالي هما ممكن يصدوا معاهم في حالة واحدة Shocked

لو كان عنوانهم جهنم الحمرا الدرك الاسفل وانت نازل ع الشمال lol!

» ادخل وشوف انا خست ازاى من 120 الى 72
» الصداقه ازاى نحافظ عليها؟؟؟؟؟
» لعبه ازاى تخنق جارك , مش جزء واحد لأ جزئين
» شوفوا قنوات التليفزيون وهي دخله في بعضها هتكون ازاى !!!!!