الحب والزواج على النت

انهاردة انا عايز اناقش معاكم مشكلة ظهرت من فترة على مجتمعنا وهى .....لا استنوا قبل ما أحكى احب احكيلكم موقف حصل معى شخصيا
كنت فى احدى المرات احضر حفل خطوبة احد اصدقائى وبعد انتهاء الحفل وانا خرج لفت انتباهى حفل كان فى القاعة الى بجنبنا لاحظت انه حفل فخم جداجداجدا المهم اخذت واحد صديقى ورحنا نشوف ايه الموضوع المهم دخلنا ووقفنا نتفرج والمهم لقينا اتنين واقفين بيتكلموا عن العروسة والعريس
وبعدين الاول بيقول للتانى انت عارف احمد عرف سارة ازاى التانى رد وقالوا ازاى قالوا اتقابلوا على النت قالوا مش فاهم قالوا احمد كان بيعمل شات على موقع من مواقع الشات المهم فتح على سارة واتكلموا مع بعض وبعدين ابتدوا بالتدريج يرتاحوا لبعض وبعدين بقوا بيتقابلوا كل يوم على النت
لغاية ما فى يوم احمد اعترف لسارة وقالها انه بيحبها ومش هيقدر انه يبعد عنها المهم ان سارة قالتلوا فكر كويس الاول يمكن ترجع فى كلامك
المهم ان احمد اخذ رقم تليفون سارة واتصل بيها وبقوا كل يوم تليفونات مع بعض لغاية ما كل واحد فيهم حس انه خلاص مش هيقدر انه يبعد عن التانى واتقابلوا فى وسط مجموعة من الاصدقاء وبعدين اتفقوا على انه يتقدم ويخطبها واحمد مكدبش خبر وراح وتمت الجواروة الى انا كنت حاضرها بنفسى

المهم الى انا عايز اقولوه ايه رايكم فى موضوع الحب والزواج عن طريق النت

انا سمعت حكايات ياما عن الحب عن طريق النت لكن كلها فشلت لكن الى خلانى اكتب القصة دى واوجع دماغكوا ان الموضوع ده نجح ياترى صدفة ولا ايه الحكاية

ياترى انت ممكن تتزوج من واحدة عرفتها عن طريق النت

ياترى انت شايف ان الجواز عن طريق النت هو الطريقة الحديثة للخاطبة ولا ده مجرد تقليعة و تضيع وقت وخلاص

ياترى انت متوقع ان احمد وسارة زواجهم ممكن ينجح ولا لا

شارك وقول رايك فى الزواج عن طريق النت .

شكرا لكم وانتظرونى فى موضوعات افضل ان شاء رب العالمين