كلام بنات

طول عمرنا يابنات وإحنا معروفين بالكلام الفاضى عمال على بطال. "سوسو فرقع جىجى.." و "علانة إجوزت علان.." و "الموضة اليومين دول..".. إلخ.
وإن جينا للتطور الطبيعى للكلام راح نمشى لحد ما نوصل لحلل المحشى وطاجن البامية.. والعيال والمذاكرة.. والجوز الطفشان م البيت.

البنت عندنا فى مصر تتربى من صغرها على قاعدة واحدة مسلم بيها أبدياً: "ظل راجل ولا ظل حيطة.."
أول ما تتولد وأمها تقعد تحكيلها عن ليلة فرحها والفستان اللى ح تلبسهولها بإديها.. وتفضل تحلم بالشاطر حسن والطرحة البيضة. ويسلموها عهدة الأشغال الشقة المنزلية، طبخ وكنس.. تنفيض وتلميع.. مسح وكوى... يوووه.. كل دة عشان تستعد لعدلها إللى فى إنتظاره..
وللأسف يجى المنتظر وهى زى ما هى. لا مخها إتنضف.. ولا هى إتطورت. مخها كهف مهجور هرب منه النور.
وبعدين ح يجى العيال وتبدأ دوامة مدارس العيال.. ولبس العيال.. وخناقات العيال.. ويظهر لها فى الأفق بقى أكبر عيل ممكن تقابله فى حياتها كلها. ويحصل حاجة من إتنين: يا الجوز يعقل.. يا هى تتجنن ويخلصوا م الآخر..

سنة ورا سنة والعيال تتخرج من الجامعة وتبدأ الهموم م الأول.. الكبير خلص جيش ولا لقاش شغل.. والصغير متنيل بيحب و عايزين ندورله على شقة.. والبت بقى نكسرلها ضلع لتفلت مننا لحد ما يجلها عدلها ونسترها.
وتبدأ البنت نفس رحلة أمها.. من آهات المرايات والشبابيك.. لوجع قلب كل ساعة وكل دقيقة فى اليوم...: "بتكلمى مين؟".. "خارجة ليه وراجعة إمتى؟".. "إنت عايزة تفضحينا..".. "إمشى إنجرى على أوضتك.."
لكن المشكلة –لاء الكارسة الكبرى- : مفيش جواز.. البنت ح تعنس عندنا

ويبقى بدل النار نارين.. نظرة الأهل لبنتهم غير نظرة المجتمع. نظرات كلها ضحكات فارغة، كإنها بتنهش فى كلها. تخليها عايزة تخرج من دايرة أجبرت تدخلها. وكل ذنبها الوحيد إنها بنت.

وللأسف يجى المنتظر وهى زى ما هى. لا مخها إتنضف.. ولا هى إتطورت. مخها كهف مهجور هرب منه النور

لا لا مش عندك حق دلوقتى المجتمع اتغير بالنسة للنظرة للبنت وقليل اوى ال يص للنت نظرة تخلف
وانا عتقد ان حتى لو حد بص الصة دى للبنت ممكن يكون غصب عنة والزات عندنا فى مصر عشان الحياه ال جد بقت صعبة جدا
وانا عن نفسى اتمنى يكون عيالى بناااااات
موضوع جميل جدا جدا تسلم ايدك بجد

يااااااااااااااااامنوووووووووووون ياجامدد ياموضوعاتك
صح واللهى ما هى دى الحياه بس هنعمل ايه يابنتى بس احنا بنخرج ياامنون
واهلنا مش هيقدرو يخصبو علينا فى حاجه ده احنا عصابه ياماما
لا بس موضوعك جميل وياريت نشوف موضيع تانيه كتير

ميرسى ياخالد على مرورك المنورنى
بس ولهى يابنى فى بنات كتير بيتعملوا كدة ولهى
انا اعرف واحدة من ساعات ماتجوزت مش خرجت من البيت خالص

ولهى يامريم انتى اللى جامدة
وبعدين انتى لسة شوفتى حاجة انا راجعة بعد الامتحانات بنيو لوك يابنتى
وفعلا معاكى ح يامريم احنا مافيا بس ولهى فى بنات بتعامل كدة ولهى

شكراااااااااا ليكى يا منون على موضوعك الرائع
واانا فعلا شايفه امثال من دى كتير اوى ومش عارفة بجد ازاى بيقدرو يستحملو دة
وانا عن نفسى مش متخيلة انى ابقى كدة بجد ممكن اموت فيها
ياااااااااااااااااااااارب ماتكتبهاش علينااااااااااااااااااا جميعا

هههههههههه

كلامك عسل اوووووى

سوسو فرقع جىجى هههههههه هههههههه

بجد موضوع جميل اوووووووى

بس و الله فية بنات واقعية اووووووى

و الله انا قبل كدة كلمت بنت قلتلى متيجى نتكلم عن

الغلاف الجوى اة و الله العظيم دى حصل بجد

ههههههههههه ههههههه

فضلت اضحك عليها

بس بجد كلامك واقعى اووووى يا منون

الــــــوزيــــــــر (الـــــــويـــــــــــزووو)

بجد موضوع اكتر من روعه ميرسى يا قمررررررر

مشكورة اختي منون علي موضوعك الجميل جداااااااااا

ميرسى ليكى ياسومة ياعسسسل بمرورك العسل دة

ميرسى لمروركى ياسارونا
وفعلا فى بنات بتعامل كدة كتير ربنا معاهم
بس احنا تمام الحمد اللة هههه

هههههههههههههههههههههههههه
مرسى ليك ياوزير
بس جااامدة البت اللى كلمتك عن الغلاف الجوى ههههههههههههههه

انتى اللى روعة ياهدير ياعسل
ويارب موضيعىالقليةدايما تعجبك

ميرسى ليكى ياساسو ياعسسسسل انتى الاجمل
والا بقى انا وانتى عازين نخلى السم دة جااااامد ياعسسسل