((( % بقى بالزمة جوزك ولا أبوووووووكى %)))

*مع ابوكى .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

*مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه .. وجوزك .. طول الليل تحايلى فيه .

*أبوكى .. لما تدلعى عليه .. بيفرح بيكى .. انما جوزك .. بيقولك .. اكيد عايزه حاجه .

*ابوكى .. لما تقولى له .. ده حصل كذا وكذا .. بيهتم ويصدقك .. انما جوزك .. بيقولك .. الموضوع دا وراه ان .. ويشك فى كلامك
.
* ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد .

*مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد .

*مع ابوكى .. نفسك تخرجى مع صحباتك .. ها يقترح عليكوا تروحوا فين .. ويجى يوصلك كمان .. لكن جوزك .. ها يقول مالوش لزوم .. والبيت ماله

*ابوكى .. لو طلب منك كوباية ميه .. بيقولك لو سمحتى عايز ميه .. انما
الرخم .. بيقولك قومى هاتى ميه .

* لو ابوكى نايم .. وانتى صاحيه لسه وعامله شوية دوشه .. ما بينطقش .. لكن جوزك .. صوت زعيقه ها يسمع الشرق الاوسط كله

*ابوكى .. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح .

*لو بتتفرجى مع ابوكى على التليفزيون .. ها يسيب لك الحريه تتفرجى على اللى انتى عايزاه .. لكن المحروس .. مافيش قدامك غير يا الاخبار يا الكوره

*ابوكى دايما شايفك حلوه .. جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

*لو جالك مكالمه غلط على موبايلك .. ابوكى ها يقولك حصل خير .. لكن جوزك .. ها يتهمك بالخيانه ..

* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. لكن جوزك ها يقول معلش انا لازم ابلع او ها يقسمها معاكى

*لو غصب عنك صوتك على على ابوكى .. هايلومك بذوق .. لكن جوزك ها يسمعك قاموس شتايم

*لو اتزحلقتى على الارض .. ابوكى ها يجرى يشيلك .. جوزك ها يقعد يضحك ويقولك ما انتى اللى مش منشفه الارض كويس منك لله يا اخى

*ابوكى .. ممكن يكتبلك حاجه باسمك .. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى

*لو العربيه عطلت بيكى .. ابوكى.. ها يقولك اقفليها وتعالى وانا ها اتصرف .. جوزك .. ها يقولك متركبيش العربيه تانى

*لو ابوكى شافك بتتخانقى فى الشارع مع واحد .. ها ينزل يقطعه .. لكن جوزك .. ها يقولك انتى قليلة الادب

*لو حكيتى لابوكى على واحد عاكسك .. ها يقولك معلش .. وبعدين عنده حق .. انتى جميله انما جوزك .. ها يقولك انتى اللى ماشيه مش محترمه

* لو مقدمه على شغل .. ابوكى.. ها يوصى عليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

* ابوكى لو لاحظ انك متخانقه مع اختك .. ها يصالحكوا على بعض .. لكن جوز .. ها يقول خليهم يولعوا دول عيله عجب

* مهما ابوكى كان متضايق .. لا يمكن تكلميه وتلاقيه مكشر .. لكن جوزك .. لو متضايق .. مصر كلها هتنكد عليكي

موضوع جاااااااامد يا سندريلا ومينفعش واحده تقارن بباها ب جوزها أساسا مهما كانت بتحب جوزها الجوز موجود لكن الاب مفقود بمعني الجوز لو راح يجي غيره لكن الاب لو راح ميتعوضش وفي مثل تاني بيقول الي ملوش خير في اهله ملوش خير في حد صح وتسلم اديكي يا قمر علي الموضوع التحفه دا

موضوع جميل جدا يا سندريلا وفعلا زى مقال تيمو محدش يقدر يقارن بين الاب والزوج لان هتلاقى اختلاف كبير

ههههههههههههههههههههههههههههههههههه ميرسى يا تيمو انت وعماد بس والنبى ماتضربونيش انا الموضوع اقصد بيه الفكاهة مش اكتر

انا كنت حاسة ان الموضوع هايحصل فيه ضرب ناااااااااار

وهو حصل هههههههههههههههههههههههههههههه

الاخت بتهدى النفووووس صح
تسلم الاياادى قلبوو

هههههههههههههههههههههه
يعنى ياسندريلا كلهم عليكى ولا اية ههههههههههههه
بس فعلا مفيش مقارنة بين الاتنين

ميرسى يا بطوط وفعلا انت فاهمنى انا احب اهدى النفوس دايما

وميرسى يا منون شوفتى كلهم عليااااااااااااا

مع انى فى صالح الاب طبعاااااااااااااااااااا

ههههههههههههههههههههههههههههههههههههههه
بجد موضوع زى العسل
وطبعا الاتنين مش زى
بعض لكن موضوع بجد
جميل اووووى وفعلا ايام
الاب عمره متكون زى الزوج

ههههههههههههههههههههه والله عندك حق يا هدير عشان كدة الواحد مابيفكرش فى الجاز اصلا ههههههههههههه

هههههههههههههههههههههه انا هخطار جوزى طبعا

ههههههههههههههههه مية مية يا دودى هو ده الكلام عندك انتماء جاااااااااااامد ههههههههههههههه

هههههههههههههههههههههههههههه
اشطه يا دودى بس الى ملوش خير فى هلو ملوش خير فى حد