عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: هل الحب كده ****** السبت 26 يناير - 16:27:15
الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء .. الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة .. و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف! إيه إللى أنا باقوله ده ! حاسس إنك عبيط و أكيد حبيبك قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل تقوللى ما انا عارف بس المشكلة فى حبيبى و الفكرة إللى أخدها عنى .. أقولك إهديله أغنية لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله.. ليتأكد إنك طبيعى و كل دى مجرد أعراض جانبية للحب عند كل الناس .. لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟! بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما .. و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب.. ده غير تأثيره على المناطق المسئولة عن الذاكرة و التركيز .. عشان كده لما أبويا يقول فنجان قهوة بأعمله شاى و فى الآخر باديه لأمى .. و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض .. و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة.. و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان.. لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب. و لما تقابل حبيبك بدل ما تقول له الحب الحب .. الشوق الشوق تقول له إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات. كل هذه التأثيرات أثبتتها عدد كبير من الدراسات التى أجريت فى بريطانيا و أمريكا. الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه .. يمسح فى دماغه لحد ما خلاها أبيض يا ورد.. فى النهاية قدامك طريقين .. الأول إنك تنفض الحب خالص و تحافظ على مخك و صحتك على أساس إنهم أنفعلك .. الطريق الثانى إنك تحب بجد و تضحى بعقلك فى سبيل إستمتاعك بالحب.
bekoooo عضو مميز
عدد الرسائل : 309 العمر : 37 العمل/الترفيه : صاحب محل SMS : My SMS $post[field5] تاريخ التسجيل : 08/01/2008
موضوع: رد: هل الحب كده ****** السبت 26 يناير - 16:36:11
اولا طبعا انته يا فنان مش هقول رايي في مواضيعك
انته مش محتاج رايي
بس هل فيه فعلا حب في الزمن الي احنا فيه
ولا هي مجرد تسالي من البنات بالشباب والعكس
!!!
وربنا يستر علي عقلي !!!!!
سارونا اداره المنتدى
عدد الرسائل : 1983 المووي : SMS : My SMS $post[field5] تاريخ التسجيل : 08/10/2007
موضوع: رد: هل الحب كده ****** السبت 26 يناير - 17:06:08
الله يا باشا على موضوعك تحفة بجد وكل حاجة قولتها عن الحب صح وليهم حق بقة لما الواحد بيسيب حبيبتو بيشرب مخدرات وكدة عرفت بقة ليه بيعملو كدة تقريبا بيغيرو نوع المخدرات مش اكتر وياريت الاقى الى يحبنى بجنون ومش مشكلة بقة الحب يمسح مخنا احنا الاتنين ونعيش من غير مخ بس بحب كفايه
mayodaaa عضو
عدد الرسائل : 30 العمر : 34 SMS : My SMS $post[field5] تاريخ التسجيل : 21/01/2008
موضوع: رد: هل الحب كده ****** السبت 26 يناير - 19:08:35
موضوعك تحفه بجد بس انا اخترت الطريق التاني اني احب واستمتع بالحب واشكرك علي مجهودك
الوزير عضو مميز
عدد الرسائل : 396 العمر : 34 الموقع : كلية اداب العمل/الترفيه : الغنى المزاج : سماع الاغانى SMS : My SMS $post[field5] تاريخ التسجيل : 22/12/2007
موضوع: رد: هل الحب كده ****** السبت 26 يناير - 21:07:15
عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: رد: هل الحب كده ****** الأحد 27 يناير - 13:31:39
شكرا على ردك يا بيكو بس خلى بالك كده هضحى بعقلك مش هتعرف تعمل مستقبل خلى عقلك حاضر
عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: رد: هل الحب كده ****** الأحد 27 يناير - 13:34:06
الباشا ساره شكرا على الرد الجميل بس كلو فعلا بيضحى بالعقل انتو حرين انا مش مسئول وان شاء الله تلاقى اللى يجننك معاه يا ساره مرسى ليكى
عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: رد: هل الحب كده ****** الأحد 27 يناير - 13:38:19
شكرا على ردك يا mayodaaa بس خلى بالك زى ما قلت نخلى عقلنا حاضر ولو 10% ومرسى ليكى كثير
عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: رد: هل الحب كده ****** الأحد 27 يناير - 13:39:51
شكرا على الرد يا وزير وفعلا الحب اجمل شيء خاصتا لو صادق وبأخلاص