عدد الرسائل : 627 مــــــــــــزاج : SMS : My SMS $post[field5] تاريخ التسجيل : 05/10/2007
موضوع: مراحل صيد المرأه للرجل السبت 12 يناير - 7:46:39
انا النهارده جايبلكم موضوع شيق جد وبجد الموضوع ده حلو اوى نشوف بقى مع بعضينا ايه الحكايه ونحكم وياريتنا بنتعظ بعده.. لا عارفين وبرضه بنقع يالا بينا ؟؟؟؟؟؟؟ اللعبة الأزلية بين الرجل والمرأة بأختلاف الثقافات وأختلاف البيئة والمستوى الفكرى والأجتماعى والمادى ... لمن ستكون السيادة فى العلاقة ؟ من سيقود ؟ من ستكون له الكلمة العليا والأخيرة ؟ من سيحمل فى يده الريموت كنترول ويحرك الأخر ويحرك العلاقة تبعاً للجدول الزمنــــــــى وأحتياجاته العاطفية أو النفسية أو الجسدية ؟ من سينتصر فى الجدال ؟ من سينتصر فى الفراش ؟؟ كلام كبير ... أيه هى حرب ولا أيه ؟ آه حرب ! جرب خفية وغير معلنة ويمكن أصحابها نفسهم مش عارفين أن هم فيها ؛ لكن الحقيقة أنها لعبة ذكاء ممتعة وشيقة زى الـ Computer Games بالظبط ؛ كل مرحلة لها أدوتهـــــا ودرجة صعوبتها وكل ما تعدى مرحلة وتدخل على المرحلة اللى بعدها تلاقى صعوبة أكبر ومزيد من التعقيد ، طبعاً لعب على تقيل بقى .. والجدع يكمل واللى مش قادر على اللعبة يخلع ! وطالما اللعبة ما بين أتنين يبقى فيه وجهتين نظر وبشطل هندسى منظورين يالا بينــا نشوف السيناريو من وجهة نظر المرأة .
مراحـل صيـد المرأة للرجل !
المرحلة الأولــــــى الواد ده عاجبنـــــى
ودى من الذ المراحل فى العلاقة بين الرجل والست كل المكر والدهاء والذكاء اللى خلقه ربنا فى حوا بـ يشتغل ؛ أزاى تخليه يدخل مجالها المغناطيسى أزاى تقدر تسيب علامة مميزة تخليه يفكر فيها وياترى بتكون الدخلة دخلة صداقة ولا تديها حب من أولها ... وتبدأ عملية صنع قرار ودراسة جدوى على مستوى قاعدة بيانات وتجميع معلومات ودراسة لكل الأمكانيات الأنثوية المتوفرة من أجل الوصول للهدف ودراسة الأحتمالات وتجهيز خطو وخطة بديلة فى حالة فشل الخطة الأولى . ده غير أستخدام الأشخاص المشتركين فى المحيط الأجتماعى وتجنبد كل من يستطيع أن يساعد فى سير الأحداث نحو تحقيق الهدف ... وتبدأ المرأة فى التكنيك المتأنى لجذب ولفت نظر الرجل لو الراجل غاوى قراية تعمل فيها مثقفة ولو غاوى رياضة تلبس ترينج وتروح الأستاد ولو غاوى مزيكا يا سيدى ! ولو غاوى سينما يا مزاجه ! ولو غاوى شغل أوف بقى تعمل فيها حائط المشكى والمبكى لكل مشاكل شغله ، وهوب أتظبت الأستاذ وأبتدى يتشـــــــد !
المرحلة الثـــــانية أنت سيدى وتاج راسى
وتبدأ المرأة مرحلة النفخ فى جنابه ودى على فكرة معروفة فى علم النفس بـ الأبتزاز العاطفى ، بمعنى ان الرجل يدخل تماماً فى نطاق سيطرة المرأة طالما جعلته يشعر بأنه الملك المتوج وحامى الحمى والفارس المغوار اللى ما جابتوش ولادة ولا فى زيه اتنين فى العالم ويدخل فى مرحلة أدمان عاطفى لهذه المرأة الجميلة التى تشعره بهذه المشاعر الأيجابية نحو نفسه ونحو الحياة وبالتالى نحوها هى كمان .
المرحــــلة الثالثـة حواش شلـــنى يا حواش
فى المرحلة دى تبدأ المرأة فى تحميل الرجل مسئوليتها واحدة واحدة .. يوصلها الشغل ويوديها عند صاحبتها ويرجع ياخدها و " مامى تعبانة ما تعرفش دكتور كويس " فـ يشوف دكتور ويودى مامى للدكتور ويجيب الدوا وفى وسط الزحمة أهو أتعرف عليها بصنعة لطافة مقص حرامية يعنى وبقى بـ يروح البيت عادى من غير خناقة ولا ضغط ولا " مامى سمعتنى بـ أتكلم فى التيلفون وعايزة تشوف بـ اخرج مع مين " والجو أياه اللى بـ يخوف الرجالة ويخليهم يقفشوا .
المرحلة الرابعـــة صاحبك على ما تعوديه وتربيه
وهنا بقى الست الذكية تبدأ فى أرساء القواعد والقوانين الشرعية وغير الشرعية للعلاقة ؛ هـ تسمح بأيه ؟ وهـ تسك على أيه ؟ هـ تخرج أمتى ؟ هـ تسهر أمتى ؟ هـ تروح عند مين من أصحابه ومين دمه تقيل على قلبها .. نسيت أقولكم أن فى المرحلة دى كمان بـ تحصل الدراسة الدقيقة والمتأنية لصحباته البنات ؛ مين خطر ومين أمان ، وغالباً هـ تطفش كل صحباته البنات ما هى الحكاية مش ناقصة ، بنت زيها ممكن تفهم كل الخطط وتفهم الزبون .
المرحلة الخامسة أنا هنا هنا يا --- الحلال لا عايزة جاه ولا كتر مال
هنا تبدأ المرأة تمارين الضغط على الأستاذ علشان الخطوة الرسمى أياها بتاعة الفاتحة والدبلتين وفى الواقع دى مرحلة بـ يتم فيها تقسيم البنات الى عدة أنواع : المادية البحتة وده النوع المنتشر والمادية العاطفية والعاطفية المادية والعاطفية الهبلة ودى عادة بـ تاخد على قفاها بعدين . المرحلة دى من أ:تر المراحل اللى علاقات كتير بـ توقف عندها النمو وبرضه من أكتر المراحل اللى فيها أفتاءات وأدعاءات وفشر وأقنعة لكل القيم والمبادىء السامية ... المهم لو الزبون أتدبس مظبوط ودفع دم قلبه تمام التمام وجاب عمو حسن المأذون والدنيا أتظبطت يبقى فل الفل ، ما كانش يبقى نقف كلنا دقيقة حداد عاطفى وبعد كده توتة توتة وفرغت الحدوتة وخش على اللى بعده !
المرحــلة السادسة سقوط الأقنعة
الحق حق .. المهم خلاص بقى لا فى الأنتكة أياها ولا فى sweet heart baby بقى فيه فواتير للسوبر ماركت والجزار وبتاع الفراخ والكهرباء والميه ويوم الجمعة الغدا عند ماما وبنت خالتى أتجوزت وعايزة هدية .. الرقة روحت والأناقة نامت وشخرت والحنية الله يرحمها ويحسن أليها ! والأنصات لمشاكل شغله درب من دروب المحال " مش كفاية شغل البيت ومسئولية الولاد هو هـ يقرفنى كمان بهموم شغله ! دى ما بقتش عيشة ! "
المرحلة السابعة الواطى بعد ما وقفت جنبه يخونى ! طلقنــــىىىىى !
المرحلة دى هى من وجهة نظر المجتمع العبقرى اللى بـ توضح الفرق بين الست العاقلة الراسية والست المتهورة المجنونة . العاقلة تعمل فيها عبده العبيط وناها ما تعرفش أصلاً أنه يعرف عليها واحدة تانية او تطلع بوزه وبوز اللى خلفوه مصاريف وهدايا بالهبل علشان يكفر عن خيانته وجرحه لمشاعرها الرقيقة والمجنونة تطلب الطلاق وتخرب البيت وتشرد العيال وتبدأ رحلة Mind Game جديدة فى ظل ظروف تانية وتركيبة نفسية مختلفة عما كانت عليه وهى بنوتة بريئة عندها 20 سنة .
nana المديره
عدد الرسائل : 1473 العمر : 35 مــــــــــــزاج : SMS : My SMS $post[field5] تاريخ التسجيل : 31/08/2007
موضوع: رد: مراحل صيد المرأه للرجل الأحد 13 يناير - 1:29:31
موضوعك جميل اوى ياشيفو ببس انا عاوزه اخد رئيك فى اخر حاجه بس لو هى الى خانتو هوه هيعمل ايه عبدوه وله هيعمل ايه انا من رئى انا كلوووو ممكن يكون فى كلام اله الخيانه بجد انا لو جوزى قالى انا هتجوز يابنت الناس وقولتلو ايه السبب واقنعنى ولو مش موفقه ممكن نتفصل بكل ادب واللهى هيكبر فى نظرى والعيال مش هيتتضررو فى اى حاجه لنى محدش فينا ها يسيئ لى التانى
magnooon عضو نشيط
عدد الرسائل : 88 العمر : 38 SMS : My SMS $post[field5] تاريخ التسجيل : 15/01/2008
موضوع: رد: مراحل صيد المرأه للرجل الأربعاء 16 يناير - 3:28:58
اااااااااااه قولتيلي .......بقه هي كده بقه وعلى راي المثل الفرنسي(واحده واحده الطير بيبني عشه) متشكر قوي يا زميل على التوعيه دي ولو انا ان اعارف الرجاله بييجوا فى النهايه وبينخو بس لعل الزكرى تنفع الرجالة
shefo اداره المنتدى
عدد الرسائل : 627 مــــــــــــزاج : SMS : My SMS $post[field5] تاريخ التسجيل : 05/10/2007
موضوع: رد: مراحل صيد المرأه للرجل الأربعاء 16 يناير - 11:20:16
يا سلام عليكي يا مريومة يا عاقلة يا راسية
ياريت كل البنات زيك يا قمر
ونورتني يا سخسخ والحمد لله ان الموضوع عجبك
وعلى راي المثل التشيكوسلوفاكي (لما السخيني ينزور موضوع شيفو لازم الموضوع ينور)
عدد الرسائل : 804 العمر : 38 العمل/الترفيه : تجاره حره المزاج : الرياضه كورة القدم كتابة الشعر والقصص القصيره SMS : My SMS $post[field5] تاريخ التسجيل : 31/12/2007
موضوع: رد: مراحل صيد المرأه للرجل الأربعاء 16 يناير - 12:49:03
سلام عليك يا شيفو كلامك تمام وفعلا هو ده اللى بيحصل
مع العلم انو هيحصل معاك خلى بالك وهتشرب الطعم يا معلم ومش هتعرف تعمل ايه خلى بالك heart medhat33
manoon مشرف مميز
عدد الرسائل : 941 العمر : 36 SMS : My SMS $post[field5] تاريخ التسجيل : 27/10/2007
موضوع: رد: مراحل صيد المرأه للرجل الأربعاء 23 يناير - 22:15:33
السبت 12 يناير - 7:46:39
heart medhat33 
